Tuesday, February 25, 2014

የአቃቤ ህጉ የሀሰት መስካሪዎች የሰጡት የምስክር ቃል

ድምጻችን ይሰማ፡በደሴ
የአቃቤ ህጉ የሀሰት መስካሪዎች የሰጡት የምስክር ቃል

ክፍል -1
...See More

ድምጻችን ይሰማ፡በደሴ የአቃቤ ህጉ የሀሰት መስካሪዎች የሰጡት የምስክር ቃል ክፍል -1 የካቲት 18 /2006 ከዚህ በታች የሚቀርበው የሼህ ኑሩን ግድያ ተከትሎ ከደሴ ከተማ የታሰሩት 15 ሙስሊም ወንድሞቻችን ላይ የፌደራሉ አቃቤ ህግ ያቀረበውን የሃሰት መስካሪዎች ቃል ይሆናል፡፡ከዚህ ቀደም የተወሰኑትን በዜና መልክ አቅርበን ነበር፡፡ ከዚህ ቀጥሎ ደግሞ ቀጣይ መስካሪ የነበሩትን የሃሰት ቃላቸውን እንደሚከተለው እናቀርባለን፡፡ የሀሰት መስካሪ ከድር መሃመድ በዛብህ ይህ የሃሰት መስካሪ ነዋሪነቱ በአማራ ክልል በደቡብ ወሎ ዞን በደሴ ከተማ በቀበሌ 03 ውስጥ ነው፡፡ ከዚህ ቀደም ከእስልምና ሃይማኖት በመውጣት ስሙንም ወደ ማቲዎስ በመቀየር ሙርተድ ሆኖ ነበር፡፡ የደሴ ሙስሊሞች ሰላማዊ ተቀውሞ ማሰማት በጀመርንበት ወቅት ተመልሶ ወደ እስልምና ገብቷል፡፡ የሃሰት መስካሪው ከድር መሃመድ አቶ ኑሩ የተባለ ወንድም ያለው ሲሆን ሼህ ኑሩ በመንግስት የደህንነት ሃይሎች ከመገደላቸው በፊት ህዝበ ሙስሊሙን እጅግ ሲያሰቃይ እና አዛ ሲያደርግ የቆየ ነው፡፡ የሀሰት መስካሪው ከድር ከወንድሙ ኑሩ ሳጅን ጋር በመሆን በ 2006 በደሴ ከተማ እስልምና ጉዳይ ህንፃ ጎን የሚገኘውን የብረት ብየዳ ሱቅ በጀርባ በኩል ያለውን በር በመስበር በሱቁ የነበረውን 15 ሺህ ጥሬ ገንዘብ እና ብረታ ብረቶች በመስረቁ በፖሊስ ቁጥጥር ስር ውሎ የነበረ ነው፡፡ ግለሰቡ አህባሽን በመደገፍ ላበረከተው አስተዋፅኦ እና በሃሰት በሽብርተኛ በተከሰሱት ወንድሞቻችን ላይ ለመመስከር ቃል በመግባቱ የስርቆት ወንጀሉ ክስ ተሰርዞለታል፡፡ ከድር መሀመድ የሃሰት ምስክር ቃሉን በአራተት ወንድሞቻችን ላይ ሰጥቷል፡፡ 1. በከማል ሁሴን 2. በሙባረክ ይመር 3. በአህመድ እድሪስ 4. በኡመር ሁሴን ላይ ሀሰት የምስክር ቃሉን ሰጥቷል፡፡ 1. በወንድማችን ከማል ሁሴን ላይ የሚከተለውን የከሰት ምስክርነት ሰጥቷል ሼኅ ኑሩ ከመሞታቸው 1 ወር በፊት ከማል ሁሴን እንደዛተባቸው ነግረውኝ ነበር በማለት ተናግሯል፡፡ ከማል ሁሴን የሰርጉ ማግስት የማስጠንቀቂያ ደወል የሚል ወረቀት በሼህ ኑሩ ቤት ላይ በትኗል፡፡ ወረቀቱን የበተነው በራሱ ሳይሆን በጓደኞቹ አማካኝነት ነው ብሎ ተናግሯል፡፡በተጨማሪም በሼህ ኑሩ ላይ ቆይ ዋጋህን ታገኛለህ በማለት ሲዝትባቸው እንደነበር የተናገረ ሲሆን በየጁምአው በሚያካሂዱት ረብሻ ላይም ከፊት በመሆን ሲያስረብሽ ነበር በማለት በሃሰት መስክሮበታል፡፡ 2. በወንድማችን ሙባረክ ይመር ለይ የሚከተለውን የክሃሰት ምስክርነት ሰጥቷል በየጁምአው በሚካሄደው ረብሻ ላይ ከፊት በመሆን በዋነኝነት ያስረብሽ ነበር፡፡ ድንጋይ በፀጥታ ሃይሎች እና በምዕመናኑ ላይ ከፊት ሆኖ ይወረውር ነበር፡፡ ሌሎችም ድንጋይ እንዲወረውሩ ያስደርግ ነበር በማለት በሃሰት መስክሮበታል፡፡ 3. በወንድማችን አህመድ ኢድሪስ ላይ የሚከተለውን የክሃሰት ምስክርነት ሰጥቷል በእስር ላይ ከሚገኙት 15 ወንድሞቻችን ላይ ሌሎች ወንድሞችን በመጨመር አንድ ላይ ተሰብስበው አህመድ ኢድሪስ ከፊት ሆኖ ድንጋይ ወርውሩ ሲል ከኋላው ያሉት ትዕዛዙን እየተቀበሉ ድንጋይ ይወረውሩ ነበር ብሏል፡፡ በከተማው ላይ የሰራው ስራ እንደጀብድ ሁሌም ይነርለታል፣በደሴ ከተማ ላይ እጅግ በጣም ተፅኖ ፈጣሪ እና እጅግ በጣም የሚፈራ ሰው ነው በማለት የሃሰት የምስክር ቃሉን ሰጥቶበታል፡፡ 4. በወንድማችን ኡመር ሁሴን ለይ የሚከተለውን የሃሰት ምስክርነት ሰጥቷል ተከሳሽ ኡመር ሁሴንን የደሴ ከተማ ህዝብ ሁሉ ይፈራዋል፡፡ በሰዎች ላይ አደጋ ያደርሳል ወይም ቅጣት ይቀጣል በሚል የደሴ ከተማ ህዝብ ሁሉ እግጅ በጣም ይፈራዋል በማለት ተናግሯል፡፡ በደሴ ከተማ ላይ የሚሰራው ስራዎች በሙሉ እንደ ጀብድ ይነገርት ነበር በማለት የሀሰት የምስክርነት ቃሉን ሰጥቷል፡፡ የሃሰት መስካሪው ከድር መሃመድ ባጠቃላይ 2 ሰአት የፈጀ የሀሰት የምስክርነት ቃሉን የሰጠ ሲሆን ለፍርድ ቤቱም የ 3 መስጆዶች ኻዲም እንደሆነ ገልፆል፡፡ በችሎቱ ውስጥ ሲጠየቅ ለነበረው ጥያቄም በሚገርም ሁኔተ በሀሰት ምላሽ ሲሰጥ ነበር፡፡ ቀጣይ የሃሰት መስካሪ የነበረውን አሊ ሰኢድ(ጓጓቴን) የሰጠነው የሃሰት የምስክርነት ቃል በሚቀጥለው ፖስት እናቀርባለን፡፡ የሚቀርቡትን የሃሰት የምስክርነት ቃል ለሁሉም የደሴ ከተማ ሙስሊሞች እንዲዳረስ በማድረግ ለወንድሞቻችን የመከላከያ ምስክር ለመሆን መዘጋጀት ይኖርብናል፡፡ በሃሰት መስካሪዎች ላይ የአላህ ቁጣ ይውረድባቸው የሀሰት ክስ አይገዛንም አላሁ አክበር
Posted by at

No comments:

Post a Comment

Subscribe to: Post Comments (Atom)